Taknuus

Published on 08 March 2017

Algemeen

Eerstens wil ek u almal namens die Takbestuur ‘n baie voorspoedige 2018 toewens. Ek vertrou u is almal uitgerus en gereed vir die uitdagings wat die nuwe jaar gaan bied.

Ek wil graag die volgende onder u aandag bring:

1. Die eerste lede-aand is reeds Woensdag-aand (10 Januarie). Pap, sous en slaai word soos gewoonlik voorsien.

2. Skietdag is soos normaal, die derde Saterdag (20 Januarie). Ons gaan die volgende tabelle skiet: Bosveld, Rooibok sonder rus, Springbok, Rooijakkals, Big Bore en Jaghandwapen.

3. Die eerste Toegewyde Jagters kursus vind plaas 9 en 10 Februarie. Kontak asb vir Schalk du Plessis (083 238 9117) vir meer besonderhede.

4. Die Junior kamp sal plaasvind 2 tot 4 Maart. Verdere besonderhede sal later bekend gemaak word. U is welkom om vir Danie Nieuwoudt (083 268 7294) in die verband te kontak.

Lede-aande

Lede-aande vind plaas om 19:00 op die 2de Woensdag van elke maand, te Inyathi Park Lapa. Bring asseblief eie vleis, stoele, eetgerei en drinkgoed saam. Pap, sous,slaai en vure word voorsien. Kom kuier lekker saam met ander mense wat dieselfde belangstelling as jy deel.

Senior Opleiding
Die volgende Toegewyde kursus vind plaas 9 & 10 Januarie 2018. Kontak vir Schalk vir inligting oor kursusse en ander navrae aangaande senior opleiding. This email address is being protected from spambots. You need JavaScript enabled to view it.

Skietaangeleenthede
Takskiet vind elke 3de Saterdag van die maand plaas op Generaal Piet Joubert skietbaan, Hammanskraal. Besoekers is baie welkom. Bring eie verversings en let asseblief daarop dat geen alkohol op die skietbaan toegelaat word nie. Skietbalkies kan by Roelandi by die skietbaan bestel word.

Kontak vir Thys vir meer besonderhede.

Bewaring
Die tak is voortdurend op soek na nuwe geleenthede waarin ons, ons passie vir wild en die natuur kan uitlewe in die vorm van bewaringsprojekte of ondersteuning aan bewaringsinstansies.
Takhemde

Die nuwe Takhemde kan by Roelandi bestel word en kan by die lede-aande gekry word of reëlings kan met haar getref word om dit af te haal. Die koste van die hemde is R310 elk.

Ondersteun Ons Borge

       

Search

We have 227 guests and no members online